इङ्ग्ल्यान्ड युइएफए महिला युरो २०२५ को सेमिफाइनलमा पुगेको छ।
स्विडेनसँग २—० ले पछि परेको खेल उल्टाएर पेनाल्टी सुट आउटमा ३—२ को जित सहित इङ्ग्ल्यान्ड अन्तिम चारमा पुगेको हो।
लुसी ब्रोन्जले इङ्ग्ल्यान्डको लागि सातौँ पेनाल्टी हानिन् र उनी सफल भइन्। स्विडेनकी स्मिल्ला होल्मबर्गले आफ्नो प्रयास बारमाथि प्रहार गरेपछि पेनाल्टी सुटआउट टुङ्गिएको थियो।
स्विडेनले ७ पेनाल्टीमध्ये केबल २ गोल गर्न सक्यो। इङ्ग्ल्यान्डकी गोलकिपर हाना ह्याम्प्टनले २ पेनाल्टी रोकिन्।
कप्तान कोसोभारे अस्लानी दोस्रो र फरवार्ड स्टिना ब्ल्याकस्टेनियसले २५ औँ मिनेटमा गोल गर्दै स्विडेन २–० ले अघि बढाएका थिए। इङ्ग्ल्यान्डले त्यो समयसम्म खासै अवसर सिर्जना गर्न सकेको थिएन।
साविक विजेता इङ्ग्ल्यान्डले मङ्गलवार इटालीसँग फाइनल प्रवेशका लागि प्रतिस्पर्धा गर्नेछ।
